حينما تحلم بشئ ما و لا يتحقق الحلم فقل إن في ذلك لايت لقوم يتفكرون حيث توجد حكمة الهيه لحدوث اي الشئ و لكن عقل الأنسان الضيئل لا يسستطيع ان يفسر كل شئ و ممكن أكون خير مثال لهذه الايه حيث أني كنت أتمني أن أدخل كلية هندسة و أصبح مهندسة كمبيوتر أد الدنيا لكن بعد الفيزياء في ثانوية عامة , قلت لنفسي انا مش هضيع 5 سنين من عمري في مذكرة بس, كفايا أيام المدرسة و أخذت قراري بدخول كلية تجارة قسم اللغة الإنجليزية حيث أنه سيكون من السهل أن أستذكر و أطلع من الأوائل و ابقي معيده في الكلية و في نفس الوقت هيكون سهل أني أقوم بأي نشاط اجتماعي و بالفعل تفوقت في الكلية لكن تخرجت الثالثة علي الدفعة فطبعا منفعتش فكرة المعيده , لكن هنا لازم أقف و أقول الحمد لله أوي لأني أتعرفت في كليتي علي اثنين غيروا مجري حياتي تماما , فهمت معني الحياة و الهدف منها كنت دايما بأقول هو أنا عايشة ليه و ايه القيمة من الحياة , لكن بعد تعرفي علي البنتين دول أصبحت لي اهتمامات اجتماعية و دينية . فأصبحت أنظم رحلات , حفلات , أقوم بعمل لوح حائط, أحفظ قران ,أقوم بزيارة الملاجئ و المستشفيات عرفت معني السعادة في عيون كل طفل أعطيه لعبة و عين كل ست تحكي عن ابنائها و أحفادها السبوها في دار المسنين و محدش بيسأل عليها , عرفت حكمة الكلية بعد فترة لكن الحمد لله الذي أعطاني نعمة الفهم
المهم أصريت اني أكمل حلمي و أكون دكتورة في الجامعة قدمت للعمل في احدي الجامعات و ألتحقت للعمل بها ,علي مدار ثلاثة أعوام حاولت أن أقوم بالدراسة علي نفقة الجامعة لكن هيهات , المهم قررت أن أعمل في مكان يوفر لي دخل مستقر كي أنفق علي دراساتي العليا, الحمد لله وجدت وظيفة و بدأت الدراسة و لا تتخيلوا كم سعادتي بأني بدأت المرحلة الثانية التي تقربني من تحقيق هدفي , مر حتي الان عام و نصف و بفضل الله أنجح بتفوق كل فترة دراسية, هتخرج إنشاء الله في سبتمبر , بحلم بيوم تخرجي من دلوقتي , و هنا أقف تاني و أقول أني سعيدة جدا بحكمة ربنا اني لم أتعين معيدة في الجامعة لأني كنت هكون زي صاحبتي البدأت من خمس سنين الماجستير و لحد دلوقتي معملتش حاجه غير انها كتبت فكرة الرسالة بالإضافة أنها متعلمتش أي شئ , أستطيع قول اني أتعلمت حاجات عمري ما سمعت عنها ’ أتعرفت علي اصدقاء بحبهم جدا و بحترمهم أوي غير أني أشعر بالفخر أني بذلت الجهد و الوقت و المال من أجل تحقيق هدفي
بعد دخولي كلية تجارة درست في سنة رابعة مادة أسمها تجارة دولية , غيرت في نظرتي لكل شئ حولي و كنت أصلا بحب أوي مادة التسويق فقررت أني هكمل دراسة و هعمل ماجستير في التسويق الدولي , لكن سبحان الله حصلت ظروف خلتني أترك عملي و أبدأ العمل في وظيفة محلل مالي !! مالها و مال الحلم !! المهم قلت شغل مش مشكلة بس لقيت بأقول لنفسي هو أنا من أول ما اتخرجت أشتغلت في 3 أماكن خلاص لازم أركز و أبطل فكرة التنطيط في الشغل و بالفعل بكامل ارداتي أخترت تخصص المالية , المشكلة بقي دولقتي اني بشتغل حاجة عمري ما حلممت بيها و درست حاجة عمري ما أتمنتها لكن من الناحية الاخري هذا العمل و هذه الدراسة أضافوا لمعلوماتي الكثير فالحمد لله ,
كل حاجة في حياتي بترد عليها الايه أن في ذلك لايت لقوم يتفكرون , المهم نعرف الحكمة
