هل أنت راض عن مدونتك شكلاً وموضوعاً؟
الصراحة لأ ، نفسي أغير فيها شكلا و مضمونا ، مشكلتي أن معنديش وقت ، أنا بكتب في مدونتي ربع الحاجات النفسي أرسلها ،إنشاء الله قريبا هفضي
هل تعلم أسرتك الصغيرة بأمر مدونتك؟
لأ ، مفيش أصلا أسرة أقول لها
هل تجد حرجاً فى أن تُخبر صديقاً عن مدونتك؟
تقريبا محدش يعرف ، مش فكرة حرج أكتر من أني بتكلم عن نفسي كتير في المدونة و أنا طبعتي غامضة و بفضل أفضل كده في عيون كل اليعرفوني
هل تعتبرها أمرا خاصا بك؟
شوية بس هو غموض أكتر منه خاص
هل تسببت المدونات بتغيير إيجابى لأفكارك؟
بعض الشئ ، و ده لأن الناس المحيطة بي مختلفة عن طبيعة المدونين البتابعهم
هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
فقط فتح الصفحات ، مع أن تقريبا محدش بيتابع مدونتي إلا قلة
ماذا يعنى لك عداد الزوار.. هل تهتم بوضعه فى مدونتك؟
مش بهتم أوي بالموضوع ده و عشان كده محدش تقريبا يعرف عن مدونتي و تكاد تخلو من الزوار ، لكن طبعاخطوة عزيزة لأي زائر
هل حاولت تخيل شكل اصدقائك المدونين؟
هم بس يجوا و بعد كده أبقي أتخيل
اعترفـــ هل ترى فائدة حقيقية للتدوين؟
المتنفس الوحيد الممكن أقول فيه العايزه في أي وقت
هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
هم مختلفون ، لكن عشان العالم المحيط بي هو المختلف مش العكس
هل يزعجك وجود نقد بمدونتك ؟ أم تشعر انه ظاهرة صحية؟
أكيد ظاهرة صحية ، أكيد في وجهة نظر للنقد مش غلاسة
هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
لأ ، بحب أتبعها ، مبخافش عادة من فكرة الإعتقال
هل فكرت فى مصير مدونتك حال وفاتك؟
اه ، بحاول أكتب كلام مفيد يمكن ربنا يجعلها سبب و يرضي عني
آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
Still the one كل لما أفتح المدونة بتاعتي أغنيها أو أغنيه " وردة" لعايدة الأيوبي
اكتب اسماء خمسة مدونين ليقوموا بهذا الاستقصاء بعدك
ليه الإحراج ده مقولنا مفيش حد بيعدي , علموم إذا حد قرأ البوست ده هكون سعيده أنه يقوم بهذا الإستقصاء، في صديق جديد للبرنامج الأستاذ محمد مفيد ممكن ياخد الميكرفون إذا قرأ البوست ده
