مش دى .. بطاقتى
وده .. رقمى القومى
ودى .. الحقيقة ...
وده الخيال ....
ومش دي الخريطة ..
ودي المدينة ..
وده المحور ..
وده المترو ..
وكده يمين .. وكده شمال ..
مش ده ظابط .. وده عسكرى ..
وده طبيب .. وده كمسرى ..
وده منجد .. وده بقال ..
مش ده جامع .. ودى مدرسة
وده بيت دعارة ..
وده سمسار ..
وده شيال .....
مش ده فستان .. ودى جلابيه
وده شورت .. وده مفيش ..
وده شال ....
مش ده اتوبيس .. ودى عجلة
ودول حمير ....
ودولا جمال .....
مش ده عمى .. ودى أختى
و دول صحابى ..
وده كمال ....
مش ده شارعنا .. وده بيتنا ..
ودى مراتى ..
ودولا العيال ...
مش ده الوطن .. وده المواطن ...
وده التاريخ .. اللى أتقال ...
طب ليه ....
كل ما اروح فى حته
و أسئل سوأل ....
يقولولى … جايز ... يمكن ....
إحتمال ...... علي سلامة
No comments:
Post a Comment