مجتمع نفساوي سيكوباتي

عندي حالة قرف من ناس كتير ، أشعر أنني أحيا في مجتمع غير سوي إطلاقا ، كله بيخبط في كله، كله بيكره كله ، أيه القرف ده ، بداية أشعر أن كل النساء يكرهن بعضهن و تركيبة من العقد النفسية ، يمكن لأن المجتمع الشرقي بيكبت علي أنفاس البنت من أول ما تتولد لغاية لما تموت ، يكتموا علي أنفاسها في بيت أهلها و لما تتأهل يكتم علي أنفاسها جوزها عشان يغطي عقد النقص العنده من التربية المزرية ، أنها ليست تربية لكنها هدم لشخصية الطفل و رجال المستقبل

العقد النفسية تظهر أيضا في أي مجال عمل فأي مدير يكسر في التحته عشان يبان أنه الوحيد البشتغل و بيحب الشغل و الموظفين يشعروا بالقهر و السبب هو طبعا المدير الكاتم علي أنفاسهم وسلبتهم الغير مفهومة كل واحد بيقول هو أنا الهغير الكون و مبيعملش حاجة زي ما يكون محدش سمع الاية الكريمة " إن الله لا يغير ما بقوم حتي يغيروا ما بأنفسهم

و العقد موجوده في أي علاقة حب ، كل طرف عايز التاني يضحي بكل حاجه عشان خاطره و إذا رفض الطرف الثاني التنازل يبقي ما بيحبهوش ، تخلف ولهي ، لكن لو عرف كل طرف طبيعة الأخر لما حدثت صدامات كثيرة و العقد عندنا بردوا موجوده إذا كان في طرف متحرر فكريا عن الأخر يعني البنت إذا عبرت عن حبها للرجل يبقي بتجري عليه و هتموت عليه لكن لما تتديلي علي دماغه يبقي فرحان لأنه هيعتبر ان البنت دبه محترمة و فظيعة ، مسمعش عن أن تحت السواهي دواهي, و إذا الراجل تعامل بشكل لطيف يتمنعن و هن الراغبات
مجتمع معقد و نفساوي و سيكوباتي