حلم

كانت في مضجعها، كادت أن تغفو و لكنها فجأه أحست بأنفاسه بجانبها ، تسمعها بأذنيها و يشعر بها قلبها، أقترب أكثر ليشم رائحة عطرها ، أخذ يلعب بأصبعها ، تحتضن يده أصابعها الصغيرة، كان يشعر أنها نائمه في الفراش بجانبه لكنها كانت مستيقظه تحلق في السحاب، لا تكاد تتنفس حتي لا تشعره أنها تعلم بوجوده بجانبها فيشفق لإيقاظها من نومها و ينصرف، كان رقيق كعادته ،أخذت تسترق النظر إليه أجمل ما رأته عيونها وجهه كالقمر مضت الدقائق القليلة ساعات جميله

انا طويل أهبل و لا قصير أزعه؟

في سؤال بيلح علي من أيام و مش لاقياله إجابه، المفروض الواحد يفكر نفسه بالحاجات الكويسه العملها و بلاش جلد الذات و يفضل يقول أنا كويس زي ما بينصحنا أساتذه الموارد البشرية و لا العكس الواحد ميقولش أنه كويس و يبطل

فرحنه بنفسه و يبص علي الجزء الفاضي من الكوبايه زي ما بعض الشيوخ بيقول متقولش أنك عارف و فاهم و كويس و عملت و سويت ، أتكلم عن نفسي و إنجازاتي البسيطة من وجهة نظري و لا لأ؟

ايه الصح؟

http://www.wellandbrothers.com/

سعاده داخلية

أبدأ بإعتذار لصديقي كريم عمر و ذلك لحذفي أحدي كتاباتي متضمنة تعليقة ، اسفه مكنش قصدي
و إعتذار أخر لتأخري في الكتابه ، معلش يا ساحر رمضان كريم

و تمر عشرة أيام من شهر رمضان المبارك ، أشعر براحه نفسية غريبة يمكن عشان الواحد معبدش ربنا من مدة طويلة كده أو يمكن عشان الواحد بقي بعيد عن الأمور الدنيوية، مش عارفه المهم أني أشعر براحه و ده شئ في حد ذاته جميل
أنا عارفه بعض أسباب تلك السعاده

أول حاجه أني بقيت متعايشه مع مرضي، أصحي كويسة خير و بركه أنزل الشغل و أروح النادي و أشوف أصحابي، عيانه أحترم نفسي و أنام و أبطل تنطيط

تاني حاجه ترقية كبيرة أوي، مدير الشركة الكبيرة البشتغل فيها أخدني أشتغل معاه و سبت شغل الحسابات الكئيب، أخيرا بشتغل مح حد بيفهم ، راجل عاش في بلاد بره كتير فبيفهم و محترم و ديه حاجه نادرا ما تلاقيها في مدير مصري

تالت حاجه خلصت دراساتي العليا بعد عناء طال سنتين متواصلتين، مفيش أي اجازه و دخلت في جمعيات و اشتغلت غي شغلنتين في نفس الوقت و مكنتش بنام ، بس الحمد لله أخيرا خلصت و إنشاء الله النتيحة تكون كويسة

رابع حاجه و هي إنتهاء النشاط الصيفي لتحفيظ القران للأطفال بالمسجد و الحفلة كانت ناجحة جيدا، الحمد لله

نفسي أختم مقالي هذا بالايه الكريمه " إن الله لا يضيع أجر من أحسن عملا" أنا كنت بحاول أشتغل و أذاكر و أجتهد في المسجد و الحمد لله بكرم من ربنا وفقني

يمكن المقاله ديه تتضمن أشياء خاصه لكني أردت مشاركتها مع زواري