فبكي

جاتلي رسالة " إجتماع عاجل" ذهبت لأعرف أن نشاط تحفيظ القران توقف !!!! لم أستطيع أن أصدق ، ليه أنا بقالي 8 سنوات كل أسبوع بروح أحفظ الأطفال و من قبلها بسنتين بروح أحفظ في مسجد تاني، فعلا مش عارفه حياتي ممكنن تكون عامله ازاي من غير بناتي البدرسهم، دول أجمل حاجه في حياتي، بحس إني بعمل تأثير، هم بيحبوني و أنا بحبهم جدا ، تحفيظ الأطفال مش بس باب لدخول الجنة و تقرب إلي الله ده كمان شعور إن الواحد أعد مع أطفال حياتهم بسيطه و أقل حاجه بتفرحهم، و جانب تاني بيعوضوا المدرسات اللي لسه متجوزوش بعاطفة الأمومة.

كان اجتماع النهارده بيبلغوا الأهالي و المدرسين أن النشاط وقف، فأخد المسئول الميكرفون و قال بشكر المدرسين و بدأ يعيط يا إلهي هو ممكن أشوف راجل بيعيط قدام مئات الأهالي و مدرسينه عشان وقفوا نشاط لتحفيظ القران ، هو ممكن أصلا المسئول بتاعنا يعيط، ده كان الرجل المستحيل، و كمل اليوم بأن مراته أنهارت و أغم عليها و إحنا كمدرسات جزء أعد يعيط أو نزل عليه حاله تتنيح و الجزء التاني مش مصدق و بيقول هنكمل

في كل الأحوال الموضوع مأساوي بالنسبه إلي لأن زي ما قلت 8 سنين بتروح نفس المكان أسبوعيا حاجه صعب أوي أن الواحد يتقبلها

مشكلة التعود فعلا أصعب كتير من مشكلة الحب

إنك تحب حد ممكن تنساه بس عشان تبدأ تتعود أنه مش هيكلمك كل يوم قبل ما تنام أصعب

يا رب يكون كابوس و أفوق منه و أروح المسجد الجمعة الجايه و أشوف بناتي