فكرت لما ربنا يرضي عليك و يدخلك الجنة هيكون نفسك في اية؟
مرة سألت شاب متدين عايز تعمل اية لما تدخل الجنة؟
قال: عايز أعمل دماغ !!!
اية!! لية كده ، أصل ديه حاجة جامدة جدا تعملي دماغ و متدريش اية البيحصل حواليكي، أصل الواحد مش هينفع يعمل كده في الدنيا ففي الأخرة إنشاء الله
ولهي عجبني أوي بس أستغربت رده و قلت فرفوش شوية عادي يعني
تدور الأيام....... و دلوقتي أقدر أقول أن نفسي لما أدخل الجنة في حاجات كتير أوي نبدأ بالأهم فالمهم
سماع سورة الرحمن من الله عز و جل
رؤية سيدنا يوسف عليه السلام و أساله أنت أزاي كنت صابر كده
رؤية النبي عليه الصلاة و السلام و أشوفة و هو بيلعب مع عمير و بيقوله يا عمير كيف فعل النغير
أصغر و يكون عندي 10 سنين و أقف مع أطفال الأنصار و نجري علي سيدنا عمر بن الخطاب فيدينا بمبوني و شكولاتة بس تكون نوع كويس من بتاع الجنة
أشوف غزوة مؤتة لايف
أركب عربية بي ام دبليو و أخمس بيها بين قصور الجنة
أعمل دماغ و أحشش
أتجوز حد بحبة
ألعب مع الأطفال الدخلت الجنة و نعمل سباق في تراك الجنة و أكسبهم و بعد كده أغيظهم و أقولهم أءا أءا كسبتكوا
ألعب ماتش كورة يكون بين صحابة رسول الله ( المهاجرين و الأنصار) و أدخل جون بضربة جزاء
أتفسح مع أبي في طرقات الجنة أيدينا في أيد بعض و الدنيا تمطر علينا و نمشي نضحك و ناكل ايس كريم توت بالزيادي
تتكرر رؤية شوفنها من سنين و هي دخولي الجنة و ألاقي أصحابي واقفين صفوف كأنهم في حفلة تخرج و أول لما أوصل ألاقي مندوبة منهم تعطيني بوكية ورد غاية في الروعة و أقف وسطهم في أول صف
17 comments:
فى الجنـــــــه
كل ما نتمنــــــى
فى الجنــــــــه
نلاقى مأمنـــــــه
فكر جديد بس لازم من الانتشار والتعليق كتير فى المدونات
شرفنى المرور بمدونتك
thx 4 ur lovely words, isa i am intending to visit and comment on other blogs in the near future
ربنا يحميكى..كل امنياتك احلى واجمل من بعض
وانتى من الناس القليلين اللى اتكلموا فى الموضوع ده
وانا بجد جسمى قشر لما تخيلت امنياتك
ربنا يحميكى ويوفقك
قد ايه كلامك بجد مؤثر بس للى عنده قلب وبيحس
فكرت نفسى ف إيه لما أدخل الجنه
طبعا فكرت
عايز أحب بنيه جميييييييييله و طاااااهره
و عايزها تحضنى قوى لحد ماتخرج منى كل السواد اللى على قلبى فأبص ف عينيها و ادوخ و يهم عليا و افوق على بسمتها يهم عليا تانى
و عايز أتعشى معاها طير مشوى كان لسه طاير قدامنا فى السما و أكلها بإيدى
و عايز الرسول يكون معدى و يشوفنا فييجى يطبطب علينا
و نفسى ننزل نعوم مع بعض
و أقعد أقولها كلام يخليها تدوخ
و حاجات كتير
انا بقي نفسي اكون في مكان هادااااااااادي وجميل ومليان شجر كتيييييير ونفسي اهم حاجة اشوف سيدنا رسول الله صلي الله عليه وسلم
وكل سنة وانتي طيبة ياجميل
أم أحمد
سعيده جدا بزيارتكم جميعا و أرجو تستمروا في التعليق
الساحر: شرفتني
مفلس أفندي : نورت و يا ريت تكتب نفسك في ايه و أستاذنا الساحر كمان
أما أبو الفتوح: تعليقك تلقائي و جميل أوي
سحر: نورتي ،أنا نفسي أروح المكان الهادي ده في الدنيا
اولا ربنا يخليكى دا انتى اللى استاذه
انا نفسى فى ان اصلى الفجر بجوار الرسول
وبعد الصلاه اتاسف لربنا على كل ثانيه عدت ولم اذكر فيها اسمه وبعد ده كله اى حاجه تانيه ماتهمنيش اوى
لان دى اهم حاجه عندى فى الدنيا وفى الاخره
وعلى فكره انا كتبت قصيده جديده وياريت تشوفيها
احسن والله
فكرة رائعة
ساعات باعملها مع اولادي
وده بيقرب لهم الصورة
وان الجنة مش بعيدة
بس محتاجة شوية تعب
واخيرا
فعلا
تمني كل ما تريد في الجنة
فيها مالا عين رأت ولا أذن سمعت
ولا خطر على قلب بشر
يعني بعد كل اللي حلمت به هذا ....في اكثر من كده؟
ما ده اللي خطر على قلب البشر...فيه اكثر منه...
يا الله ...
نسال الله الجنة
جديدة دي .. جديدو اوي
جو اون .. اسلوبك تحفة
لمياء: شكرا جدا لذوقك
أكتب بالرصاص:أنا بدرس بجانب عملي و لما بحكي للاطفال عن الجنة بشعر أنهم بيفهموا و بيرتبطوا بربنا أكتر و بيكونوا مقبلين أكتر علي طاعته
الساحر: أنا كمان بتمني أشوف الرسول
عليه الصلاة و السلام
والله بوست في منتهي الروعه وفي وقتهخ وتحيه ليكي جدا
واللهم اجمعنا في الجنه
جميل قوى قوى قوى اللى إنتى كاتباه ده و بجد مش جارح بالجنه أو بقدسيتها بس و انتى بتلفى مع باباكى فى الجنه الأخره هيا اللى هاتشتى عليكوا مش الدنيا :)
و سلام
على فكره انا كتبت حاجه جديده
محمد مفيد: امين
هيثم محفوظ : شكرا لمرورك و أتمني تفضل ضيف دائم
الساحر: هزروك و أشوف البوست
انا مستنى مواضيعك الجديده
مش عارفة ليه لما قريت كلامك عيطت
ربنا يكرمك ويسعدك
Post a Comment